السلام عليكم ورحمة الله
هي القصة صارت معي شخصيا
أنا من سوريا عمري 18 سنة
حبيت بنت وقت كان عمري 15 سنة وتعرفت عليها عن طريق أحد الأصدقاء وحبينا
بعض كتير كنت أحكي معها كل يوم لمدة ساعة على التليفون و الله على ما أقول
شهيد من الموبايل أو من التليفون الأرضي صدقوني يا جماعة أنو حبيتها حب مو
طبيعي
لدرجة انو أمي وأبي غاروا منها و دامت علاقتنا لمدة سنتين ونصف تقريبا وفي
أحد المرات وأنا عم حاكيها على التليفون صار بيناتنا خلاف على مشكلة أو
فيكون تقولو خلاف وجهات نظر وسكرت السماعة وتميت قريب سبعة أشهر ما حكيت
معها وفجأة قررت أعتذر منها وصلح الغلطة حتى لو كنت مالي مذنب لأني كنت
بحبها و قت اتصلت ردت علي أختها وسالتها كيفها وكيف أختها وإذ بتقلي أنو
هي أنخطبت لشب مقتدر ومجهز
وحكيت معها وسمعت منها الخبر وقت سمعتو حسيت كأنو شخص غزني بسكين بصدري
واللي زاد الخبر إزعاج أنو العرس كان مقرر ب 6/8/2008 وحاولت بكافة
الوسائل أنو أقنعها بفسخ خطبتها وأنو نرجع لبعض ولكن مارضيت
ومرت الأيام وخرجنا مع بعض كذا مرة وكل مرة كنت حاول اقنعها فيها وهي ترفض
بحجة أنو خايفة تتكرر القصة ذاتها ويوم العرس حاولت أنو روح بس واحد من
أصدقائي المقربين كتير مني منعني لأنو عرف أنو رح أتعذب وقضيت الليل كلو
وأنا عم أبكي عليها والله العظيم أنو ما نمت وما تخيلت أنو تكون لغيري
أبدا ولهلأ ما عم بقدر أستوعب أنو تزوجت وبتمنى يرجع الزمن لحتى ما سكر
الخط بس فات الأوان وهداك اليوم حلمت فيها وهي ماسكة أيدي متل أيام زمان
ولهلأ ببكي عليها لأنو مانت أحسن شي صار معي طول عمري
موضوع: قصة حب أبدي 
الجمعة مارس 27, 2009 6:23 pm
